يومياتي في جزيرة العرب

صندوق البوست
--------------
الكلام بالاحمر تفكير في عقلي
الكلام بالازرق الحكايه و الباقي محادثه
الشخصيات :هي و اختها و الاطفال و انا

انا :السلام عليكم عاملين ايه؟
ثلاث بوسات في خد واحد كعاده السعوديين و بين كل بوسه و بوسه لفظ
كيفك مممواه شخبارك مممواه طيبه؟ مممواه
الجميع:هلا فيكم والدكتور و الله انكم شرفتونا
أختها:هلا سلسبيل انا فلانه عسي الدكتور قالك عني
انا:طبعا وهل يخفي القمر
أختها: الله يسعدكي حبيبتي ... هيا اعطيني عبايتكي مافي احد هنا
انا :بس كدا .. اتفضلي يا ستي
وهي توريني جمال سنانها
بنتين صغيرين جاين بيبصولو من بعيد بفضول الاطفال و بيتغامزوا
في عقلي(لازم ادخل عليهم)
انا :احم احم اهلا اهلا بالعرايس الصغننيين (خدودهم احمرت
انا:تعالي هنا يا بت هاتي بوسه
اسمك ايه؟
اسمي بسمه و هديك رغد بس تستحي
انا : لالا محبش الكسوف انا زيي زيكو اهو
هي:تري سلسبيل كانت رفيجتي بالمدرسة
(ودي ايه اللي جابها دي كمان مدرسة ايه هي هتتبلي عليا ابتسمت ابتسامه سد الحنك و سكت)
هي:انت ما تعرفين اسمي؟
انا:ولله هو بابا قاللي تقريبا بس انا نسيت مش انتي بنت فلان؟
هي :انا اسمي فلانه
انا :عاشت الأسامي
هي :بس طبعا انتي اسمك ولا احلي
انا:الله يخليكي
هي انتي وين تدرسين انا بالجامعه في المستوي الثاني
انا:في الجامعه بردو عين شمس بعيد عنك
هي :تضحك ضحكه مايصه وليش ما تدرسين هنا بالسعودية
انا :عشان مبتاخدوش الاجانب يا ستي بس احنا لو بتدفعولنا ممكن نديكوا الجامعه باللي فيها
هي:الجامعه ماشي لكن الا الغاليين اللي فيها
انا بشرق في ريقي: احم احححم ربنا يخليكي كلك زوق و الله
هي:والله ما يكفيني فيك الكلام
انا:بتحرجيني و الله ربنا يخليكي
هي:كلي شي يا جلبي
خدي هدي من يدي
انا :الله يكرمك انا هاكل مع الكل لما يتجمع بس عاوزه اصلي بعد ادنك و عاوزه اتوضا
هي:هي تعالي هديك المغاسل سيدا و انا بجيب لك الثوب حج الصلات
انا :شكرا
بسم الله والله حرام اتوضا في التحفه الفنيه دي ياللا بقه هنعمل ايه
انا بنشف و دي واقفه متنحالي
انا: احم احم شكرا القبله منين
هي: انا حطيتلك المصليه بالغرفه يا جلبي
انا:(هوه ايه موضوع جلبي ده لا يكون عندها القلب)احم احم شكرا ربنا يخليكي يا رب
صليت و جات تاخد اللبس و ابدا متخلينيش اوطي اجيب المصليه شالتهم و جات ورايه علي الاكل
قعدت و قعدت جنبي و بتكلم مع الناس و دي بصالي انا بالدات
و من وقت للتاني ابصلها و ابتسملها واكمل رغي
ولا انها كل شويه تقولي
خدي هدي من يدي
ليش ما تاكلين
خدي من هدا وللا ما تحبينه؟
خليني اصبالليك عصير
ولا تبغين لبن؟
و انا اقولها:يا ستي الله يكرمك
يا بنتي ما انا باكل اهو
والله الاكل زي الفل
(هفرقع مبعرفش ارد علي المجاملات دي و البت متمرسه)
هي :خدي هدي السمبوسه
انا :اخدت منها و الله
هي :لا هديك غير بس جربيها يا قلبي
انا:حاضر
هي: انتي جلبي و انا ايش؟
انا : (لا دي زودتها بقي قلب ايه و كبده ايه دلوقتي)
انا :انتي زي العسل
هي: وانا ماني في قلبك؟
انا :ماشي يا قلبي ولا يهمك (يالله انشالله محد حوش اما نشوف هنعرف ناكل و لا لا النهارده)
هي :الله يسعدكي ليش ما تاكلين
انا شبعت والله يا حبيبتي و بصي اصلا انا بطني قد ايه مفيش مكان
دي مش معده بس ده في اجهزه كتير جوه
هي : وطت صوتها
جسمك ماشالله تبارك الله جميل ورشيقه ايش رايك بجسمي
انا :(تلعثم تهمهم تيرا را را م رام اعملها ايه دي ملها بتتكلم كده ليه هجاملها وخلاص)
انا:لا طبعا انتي احلي
امل:لا و الله انا احب الجسم الطويل و انتي ماشالله
انا : اتفضليه و بضحك
هي :ياليت
انا:(شاهد ماشفش حاجه)
حطيت اي حاجه فبوقي عشان اشغله
بسمه جات حطت تاج لعبه علي راسها هي
اتعصبت
انا:بسمه تعالي لبيسيهولي انا بس متزعليش
هي:والله انك اميره في التاج
انا: البت دي مؤكد نظرها شيش بيش
ايوه طبعا انتي بتتكلمي في ايه يا بنتي
انا اصلا ملكه جمال اثيوبيا نيهاهاهاهااي
و كركعت
ارغي مع الناس شوية بقه دي لزقالي بغرا(بفتح العين علي راي السعوديين)
هي:بتديني كوباية عصير خدي يا عمري
انا:(الله يقصف عمرك)دحكه هبله
خلصنا اكل
جريت ادور علي العيال اتشاقي معاهم شويه
هبه و احمد و نايف علي رجل و بسمه و البندري ورهف علي رجل
و نازلين عجن فبعض و عبط رسمي
ورغد قاعده بعيد الرخمه
بس جات ام نايف بالخرزانه
و جريت ورا العيال طلعتهم كلهم السطوح يتمرجحوا فوق مع الشغاله
هي:تعالي سلسبيل افرجكي غرفتي
انا:اللهم اني اعود بك من الخبث و الخبائث
انا دماغي مش بريئه يا غبيه بطلي تفكير متخلف
لا لا انا مش مطمنه هاخد بسمه معايا
يا سلام عرش ملكه سبأ ياخواتي
هي: اجلسي يا قلبي
انا :لا لا يا رب اطلع غلط
هي : بسمه روحي جيبيلي حلا
انا : لالا حلا ايه انا شبعت خلاص
خليكي يا بسمه
هي: انا ابغي يا جلبي
انا : امري لله روحي يا بسمه
هي: اعطيني رقم جوالك هنا و بمصر
انا : خدي
016466****
0561525***
هي :تعرفين اني احب المصريين مره اسمعكي اغنيه احبها
انا:ماشي
انا : انتي عارفه مين ده
هي : ما ادري بس احبه مره
انا: ده العندليب الاسمر عبد الحليم
انا : رحتي مصر قبل كده؟
هي: الا...رحت كازينو النيل حلو مره و الاهرامات بس و الله ما عجبتني
انا: (مش عجباكي يا معدلة هو اللي عنده اوضه زي دي يخرج منها ليه اساسا)
هههه معلش
هي: جات قعدت جنبي
و انا مرعوبه
اختها: سلسبيل ابوكي يجول مستعجل و يبغاكي عند الباب
انا: احمدك يا رب
اختها: اعطيها عبايتها يا بسمه
انا : ادور علي مفاتيحي و تليفوني عشان جنابي مبشيلش شنط
بسلم علي الكل و المفاجاه
هي بتعيط
يييه اهو ده اللي كان ناقص
انا: ايه يا بنتي انا مش هروح فلسطين
هجيلك تاني ان شاء الله انا لسه فاضللي كام يوم قبل ما اسافر
عيطت اكتر
اخدتها في حضني
و جريت ركبت العربيه
بقول يا رب توب عليا من تفكيري ده حرام اشك كده فحد اوووف انا مكنتش كده
لقيت مسج منها
"والله اني حبيتك من اول نظرة
لا تروحين انا بنتظرك
انتي قلبي و عمري و ما ابغي شي دونك"

انا: ضحكه هستيريه لوووول
لا يا رب متتوبش
اغمي عليا زي حصاوي و
ستار
-----------------------------