التاسعة مساء و النشرة الفلنتاينية
نبدأها بالعناوين
مباحثات لاعادة المتخانقين الي طاولة المفاوضات
تيراريرا ديش ديش تري ي ي-
سعاد تحيل ملف مدحت الي مجلس الامن
تيراريرا ديش ديش تري ي
سقوط 79قتيلا و 9 مصابين في اعقاب انفجار مواهب فنانه مفخخة
تيراريرا ديش ديش تري ي ي
-توقف الدوري استعدادا لموسم المباريات الودية بين الاحمر و الابيض
و الان الي التفاصيل
مباحثات عديده لاعاده المنفصلين و المتخانقين الي طاوله المفاوضات ورد احمر بيشعلل المشاعر و يللا نفتكر ايام زمان فاكره لما كنت بزقك علي المرجيحه و احنا صغيرين
فاكر لما اديتك الشوكلاته بتعتي و ابن الجيران ضربك و خدها منك
فاكر لما ضاعت لعبتي و انت طبطبت عليا و قلتلي معلش.....
يا سلام كانت ايام حلوه بس قول للزمان ارجع يا زمان
يا جماعه فوقوا في ناس عايشه لغايه دلوقتي علي امل عمره ما هيتحقق
واللي تقولك مش قادره انسي الذكريات الجميله الللي بيننا هو صحيح خانني بس 5 مرات بس
...
.هو صحيح كل ما نخرج سوا نقابل واحده من صحباته القدام وتاخده بالحضن بس بيبقي موقف و يعدي..
.هو صحيح ناوي يلعب بيا زي ما لعب ب الي قبلي بس انا هغير تفكيره.
.يا شيخه اتنيلي ....
ايش تعمل الماشطه في الوجه العكر؟.....
اه الصلح خير بس في حجات ميتسكتش عليها
عشان مع الزمن هتكبر خاصه لما تبقي لحكايه مسأله مبدأ بيبقي خلاص ....
و عشان سيادتك تغيريه عاوزه قد عمره وقت عشان تعرفي تصلحي اللي اتعود عليه طول حياته...ولو ان سيادتك قررتي الانفصال اصلن و خلي بالك من اصلن دي و انتي مش متاكده من قرارك يبقي العيب فيكي انتي اللي مش عارفه تعملي ايه و ده معناه ان قرارك انك ترجعي لبني ادم انفصلتي عنه هيبقي بردو مش اكيد....عموما انتي حره ما انتي اللي هتاخدي بال.... ولا بلاش كده مبقتش نشره اخبار
سعاد تحيل ملف مدحت الي مجلس الامن...
عارفين عمل ايه؟ عمل عمله ميعملهاش تعلب لا بس عجبني ذكاؤه في الحته دي ال اييه فضل يتلكك لسعاد طول
الاسبوع قبل الفلنتاين و يمسكلها عالكلمه و يتخانق .. البت ف الاول قالت ده عصبي و خلاص هتعدي .. بس الواد
كان مصمم فضل وراها لغايت ما اقنعها ان الغلط راكبها من ساسها لراسها في ايه ؟ متعرفش بس اهو و البت فضلت
مش طايقه حد و عماله تعيط يا عيني و مخنوقه السبق الصحفي هنا بقي ان واحد من مراسلينا الجواسيس عرف ان
في اجنده خلفيه للموضوع مدحت كان مفلس ف حب يعمل اي حاجه ينسي بيها البت راح منكد عليها الاسبوع كله عشان
لماييجي يصالحعا يوم الفلنتاين بقي تبقي البت طايره من الفرحه و مش مسدقه
تقولها هديه تقولك حبيبي تقولها ورد تقولك مدحت تقولها طيب محدش عبرك تقول لا مدحت حبيبي اهم عندي
من الكلام السطحي ده لسه مصالحني
يا رب ما تكون سعاد بتتفرج ع التلفزيون عشان مش ناقصين بس اكيد في ملاين من المشاهدين حاصل معاهم نفس الموقف ...اه ياني
نيجي بقه للمهم في النشره كلها طبعا كله سامع عن حفلات الغنا الي ف كل حته بكره يعني هيبقي العالم يغني الحته دي
بقي خاصه ب السينجلز عايزين نقول انهم صعبوا علي فنانات وفنانين كتير ف قرروا انهم يعوضوهم ف ليله زي دي و يخرجو معاهم و يقفوا يهيصوا شويه عشان ميعملوش زي اليتيم ف عيد الام و الاستعدادات علي ودنو بس ربنا يستر
علينا يا تري هيلبسوا ايه السنادي او هيقلعو ايه يعني عشان نبقي واضحين
نيجي للجزءالاخير قبل النشره الجويه
بقي دي للناس الي هيجيبوا هدايا فعلا و دول قليلين ف الي مالوش ف الموضوع يقفل التلفزيون الاحمر و الابيض ده مش اهلي و زمالك لا لا لا ده بيقولو الالوان السنادي مش بس احمر لا في ابيض و فوشيا و اي الوان تكون بتسرخ ف وشك اول ما تبصلهاI feel good
..,يا جماعه فين الدفْ و الحنيه هيا كل حاجه بقت مشعلله نار ليه ؟ده مش ثوره علي الاحمر انا بحب اللون الاحمر جدا بس بدل ما تحطو عليه فوشيا السنادي زودو عليه شويه حنيه و النبي عشان تعبنا طول السنه....خلصت نشره الاخبار يللا بااايالنشره الجويه الفالنتاينيه
يتوقع خبراء الارصاد الجويه ارتفاع شديد في درجه الحراره بسبب اسعار الهدايا المولعه و يلاحظ تغير عام في مناخ البلاد بسبب عواصف الحب الرملية القادمة من جميع انحاء العالم
اما بالنسبه للحاله المروريه في مدينتي القاهره و الاسكندريه ينصح الخبراء بعدم استخدام السيارات الخاصه او المواصلات العامه بتاتا لان مفيش وسيله موالات هتوصلك لمعادك قبل فوات الاوانو الان مع بيان بدرجات الحراره في اهم العواصم المحليه
الزاويه الحمراء 1001
السكاكيني 1742
درب القطه 433
287الجامع الاحمر
203الفواطيه 377
الدوحديره 500
بحرالبقر 600
درب سنانات 391
سوق الزلط 122
780حارة الخواجات
209عماره المحامي
الموسكي 460
300المزلقان
ولان
كل الاماكن المذكوره موجوده بجد
في مصرنعتذر لا نقصد اي اهانات
