مـــش موجود اصلا

ســألته:

قل لي

لم تحبني و تشتاق الي و انت لم تلمسني ؟

لم لا تهمك امراه غيري و ان كانت اجمل مني

لم لا تلتفت سوي اليّ ؟

لم تعتذر بشده اذا التفت و انت تحادثني ؟

لم لا تخونني ابدا ولا تخدعني ابدا؟

لم لا تكذب ابدا؟

لم تحترم كل ما اقول ؟

ولم لا تتسلط ابدا؟

لم تعاملني كملكه في قراراتي

و كزهره حينما ابكي اليك

لم تدللني كما تدلل قطتك

لم تشتري لي الهدايا حتي ينفذ مرتبك

لم تعمل جاهدا من اجلي

لم تصبر علي حمقي

لم تحفظ كرامتي

لم تشجعني دائما؟

لم تبحث عما احب فتفعله؟

وعما لا احب فتهجره؟

أجابني:
لأنـــــــــــــــــــــــــــــــــــــــــــــــني ببـــــــــســــــــــــــــــــــــــــــــــــاطة رجــــــــــــــــــــــــــــل في خــــــيالــــــــــــــــــك

رحـلــــــــــــتــــــي

امبارح انطلقت عربيتنا الكابرس حمالة القسيه اوي اوي متجهه الي ام القري و بعد دعاء السفر و الاحرام اشتغل عمروخالد (حبيب قلبي)في العربيه و كله سكت و اندمج ما عدا فرقع لوز اخويا العبقري جدا اللي عمال يرفس في اللي حواليه و يعدل في بشكير الاحرام اللي مجنني قبل ما يكون مجننه و طبعا هاتك يا زعيق و ضرب لغاية ما ربنا هداه و سكت شويه ... و لاننا كلنا كنا صايمين كان السؤال علي الساعه كل شويه سؤال ممل .. بس وصلنا الحمد لله بالسلامه و اتجهنا اولا للصلاه في الحرم و الغريب ان الدنيا كانت فضيه خالص و الجو كمان كان حلو اوي و كان في اصلاحات زي مانتو شايفين في الصورة كده ...بيعملوا طريق تاني للسعي عشان توسعه جديده قبل الحج ربنا معاهم بجد..و مجرد ما الصلاه انقضت كانت الوجهه الاولي طبعا الي كنتاكي عشان كلله كان واقع من الجوع و ساجد اقويا كان نازل عضعضه في صوابعه و مش ساكت ..و ووصل الاكل و نور و فجاه بدأت الحرب الكنتاكية الكبيره و كله بيخطف من بعضه..و بعد الدمار الشامل و الكامل بقه كل واحد فينا ايده شكلها اعوذ بالله لو اتغسلت بديتول مش هياثر فيها ..وال ايه يا محرمين مينفعش تغسلوا ايديكو بصابونه ؟؟؟ نعمممممم انا اتشلليت شويه كده و بعدين افتكرت زمان مكنش عندهم صابون و كانوا بياكلوا خرفان و لا بيهمهم علي كده كل الناس كانت معفنه؟لا طبعا.. المهم رحنا الفندق و كان قريب من الحرم اوي بينوا و بينه شارع واحد ..واادي ساجد منور و زي القمر اهو

..الخطوه الثانيه بداية العمره و دخول المسجد بقه و كله بيقول اول ما تشوفوا الكعبه ليكم دعاء مستجاب..داخلين حطين ايدينا علي عنينا زي ما يكون الشمس ضاربه مع انه الكلام ده المغرب.المهم مغميين مش عايزين نبص الا لما نحدد هندعي ايه و باصين ف الارض كده و البت اختي بتستهبل بتقول بابا ادعيلي انجح و سلسبيل ادعيلي مش عرفه ايه و ماما ادعيلي ايه؟؟؟؟؟؟؟البت بتجندنا كلنا عشان تفضا هيه بقه !!!بس علي ميين المهم بصينا علي الكعبه و ماما عيطت و سدره عيطت و انا واقفه متغاظه منهم .عشان اصلي محستش بحاجه خالص و كنت كل اللي حساه اني مش هاجي المكان ده تاني معرفش ليه..المهم بدانا الطواف و بعد اول شوط..نسيت اني متوضتش ..رحت خارجه متوضيه و باديه من الاول ماشيه في الطواف مش عارفه ادعي وللا اقول ايه وللا اعمل ايه مش اول مره اعمل عمره دنا عملت مليون عمره بس حاسه كده ان ربنا مش قابلني عشان بقالي كتير اوي بعيده عنه وكنت بفكر ان فوقنا في نفس المكان الجميل ده في ملايكه بطوف و فوقها عرش الرحمن ,و فضلت الصراحه تايهه كده و عماله افكر يا تري ربنا قابلني وسط الناس اللي بتدعي و بتعيط دي؟ و في دماغي بقول اكيد لا طبعا!و في الشوط القبل الاخير ماشيين ان و سدره اختي و بنقرب من الكعبه اوي عند الركن اليماني كده و نلاقي حته فاضيه و الناس اللي ماسكه في الكعبه بيقولوا كلام و بيعيطوا عياط قولت بجد مش ممكن دي ناس اكيد ربنا مسامحها انما انا عملت ايه جنبهم..كلها ثواني لما قربت اوي من الكعبه و سندت راسي علي الكعبه انفجرت في العياط..و دعيت كتيييييير معرفش جالي الدعاء منين ودعيت للي وصوني ادعيلهم (يا زهراء,يا محمد ,يا وجيه دعيتلك كتير اوي مع اني مشفتكش قبل كده بس والله من قلبي)و مشيت مع سدره عشان كان اخر شوط ليها و بدا شوطي الاخير و انا لوحدي ماشيه و حاسه اني عاوزه اقرب منها تاني عاوزه الزق في الكعبه كده تاني و ادور علي مكان فاضي لغايه ما لقيت و بردو عيطت تاني و دعيت من قلبي قوي قوي و مسكت الحجر اليماني..ولما خلصت الطواف و شربت زمزم و صليت ركعتين عند حجر اسماعيل ..رحت السعي و كان زحمه شويه ..و سدره اختي كانت بدات تتعب و تخررف تدعي تدعي يا رب يا رب و في نهاية الدعاء مبهزرش؟؟؟ يا رب انا عاوزه كذا مبهزرش؟ اتجننت باين من الاندماج في الدعاء ..ههههه.ماعلينا..و انا كنت بقف علي جبل الصفا و اقول الدعاء و يقولو ورايا بعد ما خلصنا و فكينا الاحرام و قصينا شعرنا ...جيه تحتمس الثالث ..قصدي اخويا ساجد وراح شايل شعره زلوزّه خالص بسم الله ماشاء الله الخالق الناطق جدنا مينا موحد القرنين..محدش يقولي موحد القطرين..بس بردو عثل بزمتكو مش عثل؟

و جينا لاهم حاجه في الرحله السينابون..ياه الريحه اللي كانت بتنطلق في سيتي ستارز اهي ..و شمشمنا لغايه ما وصلنا المحل عاوزه اقول اني صرفت فلوسي و فلوس سدره يا عيني في الاكل و جبت مايتي زنجرررررررر..يا سلام بكافئ نفسي بقه و الكلام ده خلص الساعه 3 و نص كنا وصلنا الفندق و علي ما كلنا كانت بقت 4 و قعدنا بقه بنغالب النوم و مستنيين الفجر ساجد واقف فق السرير و عمال يضحك فينا و عاملنا مسرحيه متعدده الشخصيات و يقلد في الناس كلها حتي اسامه منير يا عيني مسلمش منه..المهم فضلنا في نوبه ضحك متواصل لغايه ما الفجر اذن و لبسنا بسرعه عشان نلحق الصلاه..و دي اجــــــــــــــــــــــــــــــــــــــــــــــــمـــــــــــــــــــــــــــــــــــــــــل لحظه في الرحله كلها ..نزلنا و اتاخرنا افتكرت نفسي مش هلحق الصلاه و اول ما وصلت اكتشفت انها لسه الركعه الاولي فدخلت في الصلاه و بعدين بسمع كده؟ ايه ده ؟ الامام بيصلي بسوره ايه؟ الانسان؟ السوره اللي مذكور فيها اسمي ؟ طبعا عيطت عياط ..بقيت بجد طايره فوق السما ..بكلم ربنا يعني يا رب انت مرحب بيا هنا ؟يعني دي اشاره من ربنا وللا لا؟ الموضوع ده حصل معايا ف عمره قبل كده كنت بردو كنت حاسه يومها ان ربنا مش قابلني! لكن لما الصوت لعلع اد كده في مكه و سمعته الناس كلها (عينا فيها تسمي سلسبيلا)الدنيا كلها بقت كووم بقه و فرحتي بقت كووم تاني ..رجعت البيت و انا مبسوووطه انبساط مدقتوش في حياتي و رغينا اد كده انا و اختي ثم خلدنا الي نوم غرييق..(محدش يقولي عميق)فجاه صحيت علي ندااء الجمعه الصلاه مش هنلحق مكان ...زحمه.. اجروا..فززيت في ثانيه و معرفش ازاي بعد معاناه لقيت مكان فوسط زحمه صعبه اويي...و صلينا .الخطبه كان فيها حاجه غريبه هناقشها بعدين..(لانها كانت بتتكلم عن المذاهب الجديده اللي ظهرت بتتدعي انها من الاسلام)قعدنا شويه في المسجد و بعدين نزلنا نشتري حجات بقه و نتبضع قبل ما نستعد للرجوع ...اللي عايز حاجه يقول من اولها مش يجي يزل فيا و يقوللي مجبتيليش حاجه هه؟...و في طريق العوده الكاسيت باظ فا الهدوء خللي كلله نام و انا مش عارفه انام طبعا (مبعرفش انام في حاجه بتتحررك)ووصلنا الطائف و نزلنا اكلنا برّه و عدنا الي احضان البيت الحمد لله بعد رحله حلوه اوي اوي ..طبعا كانت متعبه و في تفاصيل كتيره و مشي مسافات و هزااار بردو و دحك ..لكن خليها برايفيت بيني و بين العيله بقه ....ربنا يا رب يوفك كل اللي عاوز يروح انه يروح المكان المقدس ده و يغفرلنا و يتقبل مننا كلنا و يبلغنا رمضان يا رب ان شاء الله.

أول بوست

أول بوست في مدونتي الجديدة ..حاجه محيره اوي...كل حاجه فجأه بقت جديده... المدونه,الكلية,الشقة,وحتي الكوتشي اللي انا ما ببطلش لبس فيه اتقطع و اضطريت اغيره؟؟؟؟بس ياتري يا هل تري الي اين تسير القافله؟

فجأه قالولي يا بنتي انتي هتروحي كلية حاسبات و معلومات عين شمس و طبعا اذبهليت كده..نعممم؟ بتقولو ايه؟ بتقولو ايه يا ولاد؟ حاسبات؟ معلومات؟يا حلاوه؟ و انا كان مالي و مال الكلام ده بس؟ وبما اني تور الله في برسيمو في الكمبيوتر ..فنا جاتلي الاول صدمه..و قلت احول فنون تطبيقيه بس الشيطان بقه لعب ف وداني و قاللي يا شيخه خلليكي في اللي انتي فيه بس و كبّري اخريتها ايه ما كده كده مسيريك بيت العدل(بالفتحة مس بالكسرة) و بصراحه ايام التحويل دي نمت و مدخلتش علي النت اصلا..و الحمد لله دلوقتي شيلت الليله و اتدبست خلاص ف بلا فخر احب اقول انا في حاسبات عين شمس ياولاد...و عشان تعرفوني اكتر لازم تعرفوا الناس دي

بابا و ماما:

دكتور نصر حافظ استشاري امراض الصدر و رئيس قسم الصدر ووحدة التدخين(خللوا بالكو من دي اوي)في مستشفي احمد ماهر التعليمي

راجل حنين اوي اوي بس برج الاسد مأثر عليه حبتين من مواليد شهر 8 سنه 57(تقريبا)بيحب تربية الحمام و القراية و لانه مسلم بمعني الكلمه بيدي اللي يقدر عليه لخدمة دينه ..كل الناس بتحبه (وانا كمان)عشان مبيزهقش من مشاغباتب و بيسامحني من قلبه
دكتوره هناء محمد اخصائي امراض الصدر بمستشفي الدمرداش جامعة عين شمس
أمراه بقي حديديه طبعا مش هحكي عن تعبها معانا كلنا لان حجات اصلا في الخيال العلمي معرفوش يوصلولها..ربنا يقدرنا بقي و نعوضها شويه عن التعب اللي تعبته فينا..بالذات الايام اللي فاتت كانت حديديه فعلا لكن يعني اتغرّت شويه بس يللا عندها حق

العيله:

سدرة المنتهي اختي الخارقه للطبيعه الرقه و الحنان في اقوي انسان عقل و حكمه و بردو براءه و طفوله دي بقه حبيبي الاولاني و الحضن اللي مالوش تاني اللي هيعرفها هيحسدني عليها ربنا يقدرني و افرحها مدونة عظيمه بردو ربنا معاها في مشوار الثانويه العامه

www.sidrh.blogspot.com

ساجد ابو مخ متركب شمال اخويا العبقري جدا جدا لزيز بس ذكي زياده عن اللزوم ربنا يهديه يا رب بس انشاء الله مشروع طفل ناجح يعني حافظ 6 اجزاء من القران و جايب 99%في سنه تانيه ابتدائي يعني شغّال الواد بردو

دكتوره نشوه بنت خالتي العسل و السكر اوي اختي الكبيره بجد دماغ دماغ دماغ ربنا يحفظك يا رب و يهنيكي كده و اشوفك في الكوشه جنب سمير ان شاء الله قريب

احمد الهادي:غصب عني لازم اقولك شكرا

اصحابي بقه:

اولا.....ميار البكري انتيمتي و روح قلبي مقدرش انساها طبعا دكتوره المستقبل في اولي اسنان و اجمل وش برتاح ابص فيه ..كانت معايا علطوول في كل حاجه وواقفه جنبي و خايفه عليا بقولها بجد ربنا يخلينا لبعض يا احلي دكتوره

ثانيا...دينا عماد البير اللي مالوش قرار جارتي طبعا و اقدم واحده في الشله بقولها مبروك ان جاتلك تجاره عين شمس والله فرحت جداا انك هتروحي مكان انتي حباه ..و اتمنالك اجمل ايام انتي و علي و فعلا بجد ما قبلتش حد بيحفظ اسرار زيك

ثالثا...ساره عبد الناصر البت الروشه جدا جدا علي الاخر طبعا حبيبه قلبي في طب طنطا و اكبر دماغ فيك يا كفر الزيات بقولها انا حبيتك جدا السنه دي عن السنين اللي فاتت مش عارفه ليه ولو اني مبحبش الناس اللي بتجيب 99 في الميه دول عشان بيفكروني بالانتخابات اتمنالك ايام حلوووه و حلوه اوي انتي و..وللا بلاش

وبدون ترقيم سماء محمد عطا سارقه قلبي في اداب حلوان انا مش حطاكي في الاول يا بلوه عشان دايمن بتنفضيلي و انا اللي هموت عليكي لكن برضو ما انساش العيش والجاتوه اللي بيننا و ما استغناش علي اجمد شخصيه و اطول لسان دافع عني في كاريير حياتي كلها

رابعا...ايمان عماد مهندسة المستقبل صديقة الطفوله و البنت اللي اتمنيت فعلا اكون مكانها سنين طويله من رقتها و عسوليتها(بتتقال ازاي دي)عاوزه اشكرها من قلبي انها قدرت تحافظ علي صداقتنا رغم ما بعدنا عن بعض كتير اوي لكن فعلا صورتها من وهي صغيره مش بنساها ولا بنسي اليوم اللي سافرت فيه و جريت عليا بفستانها الابيض تودعني و هيا بتعيط ..من قلبي يا ايمي بحبك

خامسا..حضرة الهانم المهروشه جدا صحبتي النص مصريه و نص سودانيه فاطمه سمعت انها جت مصر ولا عارفه اوصلها بس ان شاء الله هلاقيكي يا مصيبه و ربنا يستر ماتكونيش خربتي الدنيا منغيري

سادسا...بشمهندسه بسنت رغم اني يا بنتي ما قابلتكيش كتير بس بحبك مش عارفه ليه يمكن عشان من ريحة الحبايب و للا باين عليكي لئيمه اصلا و ضحكتي علي عقلي المهم انك ف الاخر اختي جدا جدا ..بحبك يا شقيه

و طبعا ما ننساش سالي سمير المحاميه اللي هتقلب نظام القضاء باذن الله,و ايمان راشد دكتوره العلاج اللي لايمكن يكون طبيعي,وهبه الممثلة القديرة,مارينا وجدي الدكتوره المظلومه,وغيرهم و غيرهم من اللي اتورطوا و عرفوني